Coronavirus go make us close down schools

Lagos State government go close down all public and private schools from Monday, 23rd March.

Na in oda to reduce d spread of coronavirus alias Covid19, according to wetin di government talk.

Some schools never write exams for dis term or semester, while odas don start before dis Coronavirus announcement land.

According to Nigeria Centre for Disease Control, of d eight cases wey dey d country, seven of dem dey Lagos.

Parents must encourage dia children to stay for house, and practice social distancing, na wetin d government talk.

Meanwhile, dis na as oda states for Nigeria like Kwara don also close down schools while Ogun don ban gathering of more than 50 people.

Nigeria health authorities don confirm five new cases of Covid-19 outbreak for d county.

Nigeria Health Minister Osagie Ehanire announce d fresh outbreak on Wednesday morning, making it eight cases since 27 February, 2020 wen d west African country record d first case.

Oga Ehanire say out of d five cases, three come from United States of America and two from the United Kingdom.

Two person wey test positive from d US na Nigerian – a mother and her six weeks pikin, making d little baby d youngest person wey get d virus for Nigeria.

And d third person na American national wey cross land border for bike wit him friend to Nigeria.

D minister say d tracing of contact of those wey don come in contact wit d new cases don start.

In addition, d health minister say out of d five cases, one na for Ekiti State south west Nigeria while d oda four na for Lagos.

NCDC say dem don begin compile detailed travel history of each case and contact tracing don begin.

Like 9naija Trends Facebook Page

Leave a Reply

Your email address will not be published. Required fields are marked *

Copy link
Powered by Social Snap