Lagos State don confirm four new coronavirus cases

Lagos State don confirm four more new cases of coronavirus as d number of cases for Nigeria don climb reach 12.

Lagos state commissioner for Health, Prof. Akin Abayomi na im confirm dis one for press conference on Thursday.

Oga Abayomi say dem test 19 people wey come in contact with d five confirm cases from Wednesday and out of dem, four come out positive.

HOT TORI: Coronavirus go make us close down schools

D first positive test na Nigerian woman wey return from France through Turkish airline (TK 1839) on March 14.

Another confirm case na Nigerian man wey dey im 50s and neva travel go anywhere.

According to oga Abayomi, d third person na man wey travel enter Nigeria from Germany on March 13. Im say wetin we get now na “combination of imported cases and local transmission,”

D head of d Lagos health ministry say dem dey currently track ova 1,300 people wey fit don catch d virus.

On Wednesday, 18 March 2020, Nigeria bin announce five confam cases.

Like 9naija Trends Facebook Page.

Leave a Reply

Your email address will not be published. Required fields are marked *

Copy link
Powered by Social Snap