Make una quickly pay Sowore 200k – Federal High Court para

Federal High Court for Abuja don shift Omoyele Sowore trial plus im co-defendant, Olawale Bakare to 13th of Feb.

Justice Ijeoma Ojukwu, don adjourn d case after she para give government lawyer, Mr Kayode Alilu say dem dey use style style to cause delay and drag d mata for court.

D judge also ask d government lawyer to pay 200 hundred thousand naira to d account of d defence bcos of d delay wey dem don cause.

Tori be say Judge Ijeoma Ojukwu, sidon to hear d mata, d prosecution lawyer stand up say, since the Attorney General of d Federation office take over d mata, dem don decide to amend d charges wey dem first bring against Sowore.

HOT TORI: [Watch] Boko Haram kill four months old baby and burn properties

E say and im never serve Sowore lawyer dem and im need time to do am.

But d judge say na since December dem collect d mata and dem get seven weeks to take put eye for every, and by now dem for don serve d defence all dem need.

“Seven weeks don pass and d prosecution never serve all d papers wey dem need to issue d defence team” and e be like say dem no ready and na delay tactics dem dey use as all dia complain no dey hold water.

Consequences dey for every court infraction and as e be now, d prosecution don use all dia adjournment wey law give dem and sake of dis, dem go pay 200k to d defence team. And I shift d case to 13th February 2020.

Sowore plus im supporter Bakare, show for court as im trial begin today for d Federal High Court, Abuja.

Nobel laureate Professor Wole Soyinka and Senator Shehu Sani also dey court to support Sowore.

D Nigerian government bin charge Sowore and Bakare go court on top accuse of treason, money laundering and cyberstalking plus talking anyhow for internet against Presido Muhammadu Buhari. But dem don deny d accuse say dia hand dey clean.

Leave a Reply

Your email address will not be published. Required fields are marked *

Copy link
Powered by Social Snap