Mercy Johnson Wan Release New Film ‘Legend Of Inikpi’

Naija artist and movie producer, Mercy Johnson-Okojie, don plan to drop new movie for January 24.

As Mercy Johnson-Okojie take talk am for Lokoja, d film go enter all cinemas wey dey Naija.

She talk say ‘Legend of Inikpi’ be d third project wey she carry out for d small time wey she use as Senior Special Assistant (SSA) to Governor Yahaya Bello on Entertainments, Arts and Culture.

Mercy talk say most of d people wey dey d movie na dose acts wey she organise for Entertaiment , Arts and Culture talent hunt wey happen across Kogi state when she be SSA to Governor Bello.

D movie director na Frank Rajah Arase, and d story na about d Igala Princess Warrior (Princess Inikpi Oma Ufedo) wey put herself down say make dem bury am alive so dat Benin Kingdom no go take her land.

Naoma Ameh one of d talented actress for d talent hunt project, play d role of Inikpi.

Plenti oda ogbonge names wey dey d film na Sam Dede, Paul Obazele, Odunlade Adekola, Saheed Balogun and Mercy Johnson-Okojie.

Leave a Reply

Your email address will not be published. Required fields are marked *

Copy link
Powered by Social Snap